Die jaarlikse Groot Pampoenfees, wat van 27 – 29 Maart 2025 in Heidelberg plaasvind, is ’n gewilde gebeurtenis wat besoekers van regoor die land lok. Die fees vier die gemeenskap se liefde vir pampoene en plaaslewe met ’n naweek vol opwinding en gesinspret.
Die fees begin met ’n golfdag by die Heidelberg Gholfklub, waar spanne van vier teen mekaar meeding. Daarna volg ’n propvol program met vermaak, kompetisies en feeshappies. Onder die hoogtepunte tel die musiekoptredes deur bekende kunstenaars soos Die Heuwels Fantasties en Sunset Sweatshop.
Besoekers kan verder uitsien na ’n 4×4-kompetisie naby Witsand, ’n rolbalkompetisie, asook verskeie kos- en handwerkstalletjies wat iets vir almal bied.
Die mees afwagtende oomblik van die fees bly egter die inweeg van die reuse-pampoene, waar boere meeding vir die titel van die swaarste pampoen. In 2024 het Pieter Conradie die kompetisie gewen met ’n indrukwekkende 967,5 kg-pampoen. Die vraag bly of hierdie rekord in 2025 verbeter sal word.
Die Groot Pampoenfees bly een van die mees unieke landbouverwante feeste in die Hessequa-streek en bied iets vir oud en jonk.