As die voete jeuk in Mei, roep twee uiteenlopende bestemmings diegene wat ’n verrykende reis deur tyd, kultuur en asemrowende landskappe soek: Turkye en China. Elk ’n fassinerende kombinasie van baie ou geskiedenis, kulturele rykdom en verstommende kontraste wat die ontdekkingsreisiger in iedere reisgierige sal uitbring.
Turkye is die betowerende kruispad van beskawings, waar kontinente en kulture saamvloei. Vanaf woelige Istanboel, die feëtjie-landskap van Kappadokia tot aan die Middelandse See, getuig elke oomblik van die land se ryk historiese erfenis. Die reis ontbloot die diepgang van menslike ervaring: Bisantynse kerke uit rots gekap, Aspendos se trotse antieke Romeinse teaters, en die spirituele wysheid van Rumi wat deur die Anatoliese hooglande eggo.
Terselfdertyd ontvou China as ’n beskawing van asemrowende teenstrydighede. Sjanghai bewys hierdie dualiteit perfek, waar futuristiese wolkekrabbers skadu’s gooi oor imposante, koloniale argitektuur. Die landskappe wissel dramaties van die rustige Wes-meer in Hangzhou tot dramatiese kalksteenspitse van die Li-rivier by Guilin, en die argeologiese wonder van die Terracotta-leër tot die imperiale oordadigheid van Beijing se Verbode Stad.
Beide bestemmings is meer as net besienswaardighede; hulle bied oorweldige kulturele ervarings. In Turkye is daar die hipnotiese bewegings van die warrelende derwisje, die helende warmbronne van Pamukkale, en die emosionele historiese paaie van Effese en Gallipoli. In China is daar die rustige vaart op die Li-rivier tussen hoë pieke, mistiek geklee in flarde mis, die bekoring van antieke waterdorpies ver in tyd verwyder van moderne China, of die absolute opwinding van stap op die Groot Muur – getuienis van menslike volharding en vernuf.
Die keuse tussen Turkye en China is minder ’n geval van vergelyking en meer oor waarby mens aanklank vind. Turkye lok met sy eiesoortige mengsel van sekulêr en heilig, antiek en modern. Laasgenoemde netso in China, met met sy imperiale geskiedenis en vinnig-veranderende landskap. Albei beloof ondervindings wat persepsies uitdaag, horisonne verbreed, en bowenal blywende herinneringe skep.
Of jy nou aangetrokke is tot die mistieke kruispaaie van Turkye of die ou-ou verhale van China… Die wêreld wag, ryk aan dit wat jy nog kan ontdek.
Kontak TE Tours by Club Travel Tyger Valley, tel. 021 914 2265, of e-pos
[email protected] | www.smallgrouptours.co.za