Ná ’n eeu van merkwaardige groei in landboumasjinerie, staan boere vandag voor ’n nuwe, komplekse maar opwindende tegnologiese landskap. Die druk om méér te produseer met minder hulpbronne is tasbaar, en om die regte beleggingsbesluite te neem, is belangriker as ooit.
Dít is presies waar NAMPO Kaap 2025 inkom – as jou onmisbare vennoot in die navigasie van hierdie nuwe era van boerdery.
Dié toonaangewende landbou-ekspo vind van 10 tot 13 September 2025 plaas by Bredasdorp Park in Bredasdorp, en fokus op die tema: “Slim tegnologie vir doeltreffende hulpbronbestuur.” Dit is veel meer as net ’n uitstalling – dit is ’n dinamiese platform waar die toekoms van boerdery in aksie beleef kan word.
By NAMPO Kaap kry jy die unieke geleentheid om toonaangewende vervaardigers en verskaffers op een plek te ontmoet. Vra gerus vrae oor die nuutste innovasies – van selfbesturende trekkers en GPS-stelsels tot gevorderde sensors en presisiebesproeiing. Wat NAMPO egter werklik uniek maak, is die praktiese demonstrasies. Op spesiaal voorbereide demonstrasieterreine en proefpersele kan jy masjinerie in aksie sien. Dít is waar verkoopsbrosjures lewe kry: jy sien self hoe tegnologie in die praktyk werk.
Die ekspo bied ook ’n waardevolle platform vir die uitruil van kennis. Boere, navorsers en tegnologieverskaffers kan hier ontmoet en saam oplossings en ervarings deel. Of dit nou gaan oor die jongste IoT-toestelle, data-gedrewe besluitneming, of die toepassing van kunsmatige intelligensie in gewasbestuur – NAMPO Kaap bied die insigte en netwerke wat saak maak.
Moenie belangrike beleggingsbesluite sonder die nodige inligting neem nie. NAMPO Kaap is nie net ’n plek om te sien wat nuut is nie – dit is ’n belegging in ingeligte besluitneming en in die volhoubare sukses van jou boerdery. Dit bemagtig jou om die regte landboubesluite vir vandag én môre te neem.